{،، عزيمة بنت الامارات،،}

[بنت الامارات]

بسم الله الرحمن الرحيم ،،

السلام عليكم ورحمه الله وبركاته ،، كيف حالكم ؟؟ شو اخباركم ؟؟ شو مسوين ؟؟ كيف الصحة مافي كحة

سلمكم الله يوم الخميس قالوا انه في شيبه ياي اعزوبي من الشارجة وعازمينه يوم الجمعه ع العشى ،، وقالوا يادنيآ عليج بالسلطة ..قلت ان شاء الله فالكم طيب

ويوم استوى الجمعه عند الغدا ،، اجوف الكلام اتغير!!

دنيآ عليج كل شي ،، تسوين سلطة ومعكرونة >> رديت عليهم :~ لا بالله تعشيتوا اليوم

عشان جي سميت العزيمة :~

{،، عزيمة دنيآ عجيبة ،،}

بعد الغدا دخلت المطبخ نظفته وعدلته ورتبته بس ناقصنه المعرس ههههههههههه

بعدين بديت اسوي العشى :~

بديت بالمعكرونة ،، خلوني اخبركم المكونات ..



المكونات :~

# معكرونة ؛؛

# زيتونة اسود واخضر ؛؛

# فطر (مشروم) ؛؛

# تونة ؛؛

# خيار مخلل ؛؛

# ميونيز ؛؛

( الكمية حسب الرغبة او عدد الكروش اللي بتاكل )


طريقة التحضير :~


!= نسخن ماي حار ونحط فيه المعكرونة لين ماتستوي :~



!= الزيتون مقطع وجاهز ( اطلبوا زيتون مال بيتزا ورح اييكم جاهز )

زيتون اسود:~




زيتون اخضر:~



!= الفطر بعد مقطع جاهز (فطر بيتزا):~




!= التونة ؛؛ نفتتها لين مايصير ناعم ،، عاد انتوا ونذالتكم!! اذا الشخص حبيتوا تنذلون فيه وتلوعون جبده انصحكم تسوونه بإيدكم ،، بس انا سويته بالخاشوقة لأني مااحب هالوساخة ههههه



!= خيار مخلل ،، نقطعه لشرائح ( حسب الرغبة حلقات او قطع صغار )



!= وهذا المايونيز :~



!= بعدين انيب وعاء كبير ونحطهم ع الشكل التالي > للي متفيجين وحابين يتفننون اشوي ويتسلون




!= نضيف المايونيز ونخلطه :~



!= نضيف المعكرونة ونخلطه :~



!= وبـ جي بنكون خلصنا من المعكرونة ،، بس المايونيز كان اشويه !!!

واسمها // {،، معكرونة بالتونة مع المايونيز ،،} // اسم من اختراعي


طبعن اختي واخوي الصغير ماقصروا رايحين ورادين ملعوزيني وياخذون وياكلون وانا اصرخ عليهم والضغط ارتفع // اخوي الصغير طلع ومارجع بعد ماهزبته .. بس ويه لوح رايح وراد
بعدين ابوي دخل واجوف الكل بدأ يجتمع ،، اللي يقول مكان اجتماع مب مطبخ!! جان اطردهم كلهم

++++++++++++++++

والحين دور السلطة ،،

المكونات :~

# طماط ؛؛

# خيار ؛؛

# خس ؛؛

# بقدونس ؛؛

# كزبرة ؛؛

# نعناع ؛؛

# ليمون ؛؛

# ملح ؛؛

# برغل ؛؛

(الكمية حسب الرغبة او عدد الكروش اللي بتاكل )





طريقة التحضير :~

!= نقطع الطماط >> استويت سفاحه ،، احسبوا عدد الضحايا في الموضوع كامل ..!!





!= وماخليت حد ماذبحته ،، هذا الخيار قطعته تقطيع لين ماطلعت روحه بالكامل :~






!= ونقطع الخس :~






!= ليمون مع ملح :~






!= برغــــل :~






!= انا كنت مقطعه خس وجزر :~








!= بعدين نحطه في وعاء :~

>>يتبع<<

[بنت الامارات]

الا اجوف امي تقول مايحطون خس وجزر بالتبولة !! قالت يحطون كزبرة وبقدونس ونعناع ..


!= وخليت امي تقطع البقدونس والكزبرة والنعناع لأني مااحب اقطعه :~






!= شليت الخس والجزر وحطيت البقدونس والكزبرة والنعناع بداله :~





!= وبعدين نخلطه ونحط فوقه الليمون والملح والبرغل // نسيت اصور لكم بعد الخلط

واسم هاي السلطة // {،، تبـــولة ع طريقة دنيآ ،،} //

وانا اسوي جان اتذكر اني مب ماخذه الدوا ،، المفروض اخذه بعد الغدا .. جان اكلها الساعه 5 تقريبا > لاتخبرون حد عن يذبحوني // ابوي يحسب لي كل يوم وان ماكليت احصل هزاب حلو

# وهاي اخر حبه والحمدلله خلصت من شي اسمه دوا وحبوب وكبسولات :~

++++++++++++++++

# بعدين ابوي اتصل وقال بيب فلافل وحمص وكولا ،، الا اجوفه يايب لي عصير وبرنقلز ..



جان افتح وآكل ،، مابعطيكم



> ياب لي عصير مانجو عشان مااشرب كولا // اصلن لو حيروني بين الكولا والمانجو بختار المانجو

++++++++++++++++

خلوني اخبركم عن طبق الفلافل :~

المكونات :~

# فلافل ؛؛

# حمص ؛؛

# طماط ؛؛

# خيار ؛؛

# زيتون للتزين ؛؛



طريقة التحضير :~

(للاسف ماصورت لكم !!)

!= نقطع الطماط والخيار ع شكل حلقات

!= نقطع الفلاف لقطعتين متساوي ..

ونزينه بالصحن ،، ع الشكل اللي تبونه ،،

!= بطبق اخر نحط الحمص ونزينه بالزيتون ،،

وسميتها // {،، طريقة دنيآ لتحضير صحن الفلافل مع حمص ،،} //


وامي اخر لحظة دقة براسها تسوي شوربة .. للاسف مالحقت اصور طريقة التحضير كنت مشغولة بالفلافل .. ولاحتى الشكل النهائي عشان كنت اودي الاكل للميلس ..

++++++++++++++++

الحين خلوني اعرض لكم الشكل النهائي :~

// {،، دلة الجاي مع الماي ،،} //

// {،، معكرونة بالتونة مع المايونيز ،،} //

# صحن لبيت يرانا

// {،، تبـــولة ع طريقة دنيآ ،،} //

// {،، طريقة دنيآ لتحضير صحن الفلافل مع حمص ،،} //

# طلعوا الفروق الخمسة بين الصحنين والجائزة من النهام ههههه

// {،، كولا + لبن طبيعي خخ ،،} //

طبعن كل هذا انا سويته بروحي من دون مساعده حد .. غير انه امي قطعت لي البقدونس والكزبرة والنعناع

وطلعت من المطبخ .. ظهري وريلي خلااااص بموت من العوار والألم ...
وخذت اللاب من عند وفيه عشان انزل الصور واعدلهم وارتب الموضوع
صار لي يومين وانا اسوي هالموضوع .. يعني ابى ردود تنسيني تعبي من وقفة بالمطبخ وتنزلين وتعديل وتحميل صور وتعديل وتنسيق موضوع > بتذلكم

اشتهيت بعض الناس ياكلون من هالاكل ،،

كانت معاكم دنيآ عجيبة من أرض المعركة

ملاحظة:~ دنيآ عجيبة=بنت الامارات

[خفايا الروح]

ما شاءالله عليج تسلم ايدج

يوعتيني

[الطيوووبة]

ماشاء الله عليج يابنت الاماراات كفيتي ووفيتي

لله يعطيج العافية على هذى الوصفات الي ما في منها

لج خالص تحياتي

تقبلى مروري